NJOFTIM

për mjetet e informimit

Më 14 Nëntor 2008,në ora 18,30, në zyret e Klubit Politik"Afrim Zhitia", në Prishtinë, ka ardhur për vizitë tanimë i mirnjohuri Ali Kadriu  nga Mitrovica, shtëpia e të cilit gjendet në anën  veriore.

Është pritur nga Kryetari i Klubit, z.Ismet Sylejmani dhe nga z. Sylë Zhitia vëlla i heroit të kombit Afrim Zhitia.

Ali Kadriu ka vizituar dhomën muze të  heroit të kombit Afrim Zhitia,ku është njohur nga afër me të kaluarën e udhëheqësit të ilegales politike në Kosovë e vise.

Ali Kadria i ka njoftuar drejtuesit e Klubit Politik"Afrim Zhitia" me gjithë ecurinë e ngjarjes rreth kthimit dhe punimeve në shtëpinë e tij në veri të Mitrovicës, dhe me gjendjen e rëndë materiale që jeton larg shtëpisë së tij nëpër Kosovë.

Nga ana e Klubit Politik"Afrim Zhitia" ka marrë mbështetjen morale dhe porosinë: ruaje pasurinë e të parëve  që ta kanë lënë trashëgim,kurse për këmbëngulësinë që ke bërë për t'u kthyer me çdo kusht në shtëpinë tënde në veri të Mitrovicës,ke fituar simpatinë dhe admirimin e  tërë popullit shqiptarë.

15.11.2008,Prishtinë
Klubi Politik"Afrim Zhitia"
ektori për Informim

 

 Shumë të dashur nxënës dhe mësimdhënës të shkollës fillore “AFRIMI dhe FAHRIU” të fshatit Lluzhan.

 Më 2 Nëntor mbushen 19 vite,nga rënia heroike e heronjve të kombit Afrim Zhitia dhe Fahri Fazliu,emrin e të cilëve e mban shkolla juaj.

 Është nderë i veçantë për juve të dashur nxënës dhe të nderuar mësimdhënës që të jeni pjesë e kësaj shkolle,që mban emrat e  luftëtarëve kombëtar Afrim Zhitia dhe Fahri Fazliu.
 Dita e shkollës tuaj padyshim se është e veçantë,sepse ajo ka emrat e dy burrave nga më të mëdhenjt të kombit tonë,është e veçantë sepse dita e shkollës tuaj,mban emrat e udhëheqësve të lëvizjes politike ilegale patriotike,që u bë shkëndija e parë e madhe e formimit të të lavdishmes Ushtria Çlirimtare e Kosovës,e cila bashkë me aleatët tanë të mëdhenj Amerikën,Anglinë dhe shtetet tjera anëtare të NATO-s,e larguam përgjithmonë pushtuesin serb nga Kosova.
 Klubi Politik “Afrim Zhitia”,më 31 tetorë në ora 17,organizon Akademi Politike për heronjtë Afrim Zhitia dhe Fahri Fazliu,ju ftojmë të vini,aty do të dëgjoni shokët dhe bashkëveprimtarët e heronjve, ku do të flasin për jetën dhe veprën e tyre.
 Mbajeni lart emrin e shkollës tuaj,sepse vepra e heronjve emrin e të cilëve e mban shkolla juaj,qëndron në majat më të larta të respektit që ka kombi ynë për bijtë e tij më të mirë.

 Urime ditën e shkollës!
 Lavdi e përjetshme heronjve Afrim Zhitia dhe Fahri Fazliu!

 31.10.2008,Prishtinë
 Klubi Politik”Afrim Zhitia”
 Ismet Sylejmani
 Kryetar

EPOPEJA E BREGUT TË DIELLIT,E PAPËRSËRITSHME NË LUFTËN PËR LIRI

 E dashur Nëna Qamile,i dashur axha Osman!
 I dashur Fadil Fazliu!
 Të dashur pjestarë të familjeve të mëdha të kombit, JASHARAJ dhe HARADINAJ !
 Të dashura familje të heronjve dhe dëshmorëve të kombit!
 Të nderuar invalid dhe veteran të UÇK-së e të ushtrive çlirimtare shqiptare të Maqedonisë dhe Luginës së Preshevës!
 I nderuar Baca Adem!
 I nderuar Kryetar i Kuvendit të Kosovës z.Jakup Krasniqi!
 

Komunikatë për mjetet e informimit e Klubit Politik “Afrim Zhitia”

Më 10 tetor 2008 Klubi Politik “Afrim Zhitia” organizoi dhe mbajti në Sallën e Kuqe të Pallatit të Rinisë dhe Sporteve në Prishtinë, në 100-vjetorin e lindjes, Akademinë Politike “ENVER HOXHA PËR KOSOVËN”.
Të ftuar për të marrë pjesë e për të folur ishin ish-presidenti i Shqipërisë, z. Ramiz Alia, dhe udhëheqësi i demonstratave të vitit 1981, ish-i burgosuri politik, deputeti i Kuvendit të Kosovës, z. Hydajet Hyseni.
Ish-presidenti Ramiz Alia, si i ftuar i Klubit Politik “Afrim Zhitia”, e ka vizituar selinë e klubit, ku është pritur nga babai i heroit Afrim Zhitia, axha Osman, nga vëllai i heronjve Fahri e Bahri Fazliu, Fadil Fazliu dhe nga Kryesia e Klubit.
Gjatë vizitës ish-presidenti ka vizituar dhomën muze të Afrim Zhitisë, ku është njohur nga afër me biografinë e udhëheqësit të madh të luftës ilegale politike, dhe është shënuar në librin e përshtypjeve.
Në faqet e shtypit të disa gazetave ditore dhe TV-të lokale ka filluar dhe po vazhdon një fushatë e ulet denigruese.
Ua përkujtojmë të gjithëve se koha e diferencimeve ka përfunduar me largimin e Serbisë pushtuese nga Kosova dhe se jemi duke jetuar në kohë moderne e demokraci, prandaj nuk ka më gijotinë ku priten kokat e kundërshtarëve politikë.
Kërkojmë që për figurën e Enver Hoxhës dhe kontributin e Tij për Kosovën të flasin e të shkruajnë historianët e njohur dhe Instituti i Historisë së Republikës së Kosovës.

Prishtinë, 15.10.2008
Klubi Politik “Afrim Zhitia”
Ismet Sylejmani, kryetar

Dritë mbi të kaluarën, shikim i qartë nga e ardhmja

Hydajet Hyseni
    
Sot na ka bashkuar Enver Hoxha. Na ka bashkuar e vërteta për veprën e Enver Hoxhës për Kosovën.
Nderimin dhe falënderimin për Enver Hoxhën, Kosova dhe brezat e saj atdhetarë e kanë manifestuar edhe atëherë kur kjo ishte e ndaluar. E kanë manifestuar në dolli dasmash e festash, në mbledhjet e fshehta, në auditorë, salla teatri e halla sportive, madje edhe në stadiumin e Beogradit, madje edhe në kazerma të Armatës Jugosllave e nëpër kazamatet e shumta shoviniste. Më e pakta që mund të bëjmë sot është të themi hapur e pa ekuivokë të vërtetën.
Ky përvjetor jubilar, për dallim nga përvjetorët e tjerë, e gjen Kosovën në liri, tashmë shtet i pavarur dhe i njohur ndërkombëtarisht.